بلوچستان بلدیاتی انتخابات آج ہونگے، سیکیورٹی انتظامات مکمل
07-12-2013 12:36 AM
کوئٹہ…بلوچستان میں تاریخ کے ساتویں جبکہ جماعتی بنیادوں پر پہلے بلدیاتی انتخابات آج منعقد ہورہے ہیں، انتخابات کے موقع پر سیکیورٹی کے سخت انتظامات کیے گئے ہیں جبکہ صوبے میں عام تعطیل ہے۔ بلوچستان میں بلدیاتی انتخابات کے لیے ضلع کونسل، یونین کونسل اور شہری علاقوں پر مشتمل انتخابی حلقوں کی تعداد 7 ہزار سے زیادہ ہے لیکن ان میں سے ڈھائی ہزار امیدوار پہلے ہی بلامقابلہ منتخب ہوچکے ہیں۔ 513 نشستیں خالی ہیں جن پرکوئی امیدوار میدان میں نہیں۔ تقریباً 32 رجسٹرڈ ووٹرز حق رائے دہی استعمال کریں گے، بلدیاتی الیکشن کے لیے 5700 پولنگ اسٹیشن قائم کیے گئے ہیں، سیکورٹی کے لیے پولیس، ایف سی، بلوچستان کانسٹیبلری اور لیویز فورس کے 50 ہزار سے زائد اہلکار تعینات کیے گئے ہیں جبکہ پاک فوج کے پانچ ہزار اہلکار کوئیک ریسپانس فورس کے طور پر فرائض کی ادائیگی کے لیے تعینات ہیں۔
News Source: Geo News
No comments:
Post a Comment